Facebook basshysynan aqsha bopsalaǵan alaıaq ustaldy
NЬıÝ-IORK. QazAqparat - Beısenbi kúni Facebook kompanııasynan aqsha bopsalaý boıynsha aıyptalǵan amerıkalyq azamat ustaldy. Juma kúni kúdiktiniń isine qatysty sot ótedi, dep habarlaıdy TASS.
45 jastaǵy Pol Chelıa 2010 jyly Facebook jelisiniń negizin qalaýshy Mark Tsýkerbergke qarsy aryzdanǵan. 2003 jyly Ýellsvıll (Nıý-Iork shtaty) qalasynyń turǵyny sol kezde Garvard ýnıversıtetinde oqyp júrgen Tsýkerberg oǵan vebsaıttyń jartysyn berý týraly kelisimshartqa qol qoıǵanyn aıtqan. Sýdıalar azamattyń dálel retinde kórsetilgen kelisimshartynyń túpnusqasy jasandy ekenin anyqtaǵan.
2012 jyly Chelıa jalǵan qujattar jasap, jeke kompanııa men onyń negizin qalaýshysynan aqsha jymqyrýǵa tyrysqany úshin sotqa tartylǵan bolatyn. Sot protsesiniń bastalýyna 2 aı qalǵanda sottalýshy azamat qaıda júrgenin baqylaýǵa arnalǵan elektrondyq bilezikti aıaǵynan sheship tastap, otbasymen birge AQSh-tan qashyp ketken.
Mine endi alaıaq Ekvadorda qolǵa tústi.
