Facebook balalarǵa arnalǵan qosymshany tanystyrdy
ASTANA. QazAqparat - Facebook korporatsııasy balalarǵa arnalǵan messendjerdi iske qosýda. Messenger Kids dep atalatyn jańa qosymsha ata-analarǵa balalary kimmen áńgimelesip jatqanyn tolyǵymen baqylaýǵa múmkindik beredi. Bul týraly dúısenbi kúni áleýmettik jeliniń saıtynda habarlandy.
«Búgin AQSh-ta Messenger Kids jańa qosymshanyń tanystyrylymyn ótkizemiz. Qosymsha arqyly balalar alystaǵy ata-analarymen vıdeochatpen baılanysyp, otbasymen jáne dostarymen hat almasa alady», - delingen taratylǵan habarlamada.
Atap ótilgendeı, qosymsha balanyń smartfonyna nemese planshetke ornatylady. Ata-ana messendjerdi, ondaǵy dostardyń tizimin óz akkaýnty arqyly baqylaıdy. Osylaısha, baldyrǵandar áke-sheshesi maquldaǵan adamdarmen ǵana sóılese alady.
Sondaı-aq jańa qosymshada jarnama múldem joq.
Qosymshanyń maqsatty aýdıtorııasy - Facebook erejesine saı buǵan deıin jeke akkaýntyn ashýǵa tyıym salynyp kelgen - 13 jasqa deıingi balalar.
Búgingi kúni qosymsha tek AQSh aýmaǵynda ǵana qoljetimdi.
