Facebook ataýyn ózgertti
NUR-SULTAN. QazAqparat - Facebook ataýyn Meta dep ózgertti, dep habarlaıdy QazAqparat BBC agenttigine silteme jasap.
Alaıda onyń basty áleýmettik jelisiniń ataýy burynǵysynsha qalady.
Rebrendıng týraly Facebook developerleriniń jyl saıynǵy konferentsııasynda jarııalandy. Resmı kózqaras boıynsha áleýmettik jeliniń jańa ataýy kompanııanyń qazirgi qyzmetine tolyq sáıkes keledi.
Facebook keıingi kezderi adamdardyń jumys istep, oıyn oınap, ózara pikir almasýyna múmkindik týdyratyn onlaın álem qurý týraly josparlarynan habardar etip kelgen bolatyn.
Áleýmettik jeliniń ataýynyń ózgerýimen birge Facebook-tiń ónimderine qatysty synı pikirler de aıtylmaı qalmady. Mysaly kompanııanyń burynǵy qyzmetshileriniń biri Frensıs Haýgen Facebook-tiń jelini qoldanýshylardyń múddesinen kóri paıda tabýǵa barynsha kóńil bólip kelgendigin aıtqan.
Aıta keteıik, 2015 jyly Google de qurylymyn ózgertken bolatyn. Ol basty kompanııanyń ataýyn Alphabet dep ózgertti. Degenmen kompanııanyń ónimderi burynǵy ataýlaryn saqtap qaldy.
