Facebook arqyly búlik jasaýǵa shaqyrǵan brıtandyqtar 4 jylǵa bas bostandyǵynan aıyryldy
ASTANA. 17 tamyz. QazAqparat - Cheshır graftyǵynyń eki turǵyny Facebook áleýmettik jelisi arqyly buzaqylyqqa shaqyrǵany úshin tórt jylǵa bas bostandyǵynan aıyryldy,
dep habarlaıdy Lenta.rý Agence France-Presse-ke silteme jasap.
20 jasar Djordan Blekshoý (Jordan Blackshaw) men 22 jasar Perrı Satklıff-Kınanǵa (Sutcliffe-Keenan) qatysty úkim seısenbi, 16 tamyzda shyqty.
Tergeý málimetteri boıynsha, Nortvıchte turatyn Blekshoý 9 tamyzda óziniń týǵan qalasynda búlik jasaýǵa shaqyrǵan. Al Satklıff-Kınan 10 tamyz kúni óziniń Facebook-tegi jeke betinde Ýorrıngton aýdandarynyń birinde oıran jasaýǵa aıdap salyp
otyrǵan.
Shyǵarylǵan úkimdi Cheshır graftyǵynyń polıtsııa ókili jarııa etti. Bul úkim áleýmettik jeli arqyly da qylmys jasatýǵa bolatynynyń aıqyn dáleli bolsa kerek. Áleýmettik jelidegi zańsyz áreketterge shaqyratyn kez kelgen úndeý zańǵa saı qatań jazaǵa tartylatyn bolady, dep eskertti ol.
