Facebook áleýmettik jelisindegi jazbalary úshin 30 jylǵa sottaldy
ASTANA. QazAqparat - Taılandtyń Kanchanabýrı provıntsııasynyń turǵyny áleýmettik jelidegi jazbalary úshin 30 jylǵa túrmege qamalatyn boldy. Bangkoktyń áskerı trıbýnaly er adamdy monarhııany qorlaǵany úshin aıypty dep tapty, dep habarlaıdy Khaosod.
Er adam Facebook áleýmettik jelisinde Taıland koroliniń ar-namysyna tııýdi maqsat etken alty túrli jazba qaldyrǵan. Nátıjesinde provıntsııa turǵynyna ár jazbasy úshin 10 jyldan 60 jylǵa bas bostandyǵynan aıyrý jazasy taǵaıyndaldy. Alaıda sot aıyptalýshynyń óz kinásin moıyndaǵanyn eskerip, jaza merzimin eki esege qysqartty. Endi er adam 30 jylyn temir tordyń artynda ótkizetin bolady.
