Facebook áleýmettik jelisinde «Qazposhtanyń» arnaıy qosymshasy iske qosyldy
ASTANA. QazAqparat - Facebook áleýmettik jelisinde «Qazposhta» AQ-nyń arnaıy qosymshasynyń iske qosyldy, dep habarlaıdy kompanııanyń baspasóz qyzmeti.
Telegram messendjerdegi @KazPostBot akkaýntynyń balamasy bolatyn bul qosymshanyń kómegimen sálemdemelerdiń trekıngin baqylaý, Qazaqstan boıynsha postamattardyń ornalasqan jerin qaraý jáne valıýta aıyrbastaý baǵamy jaıly aqparattar alýǵa bolady.
@KazPostBot qyzmetin kúnine 6,5 myńnan astam adam qoldanady, kún saıyn bottyń biregeı paıdalanýshylar qatary júz adamqa artýda. Bot táýligine 1000-nan astam suraýlardy óńdeıdi.
Aıdyn aıaǵyna deıin qosymshada «Eń jaqyn bólim», «Túıindemeni qosý» jáne «Valıýta aıyrbastaý muraǵatty» sııaqty múmkindikter iske qosylady. Sonymen qatar, Qazposhta IT-bóliminiń mamandary apta saıyn jańa múmkindikterdi qosyp otyrady, bul qalaǵan aqparatty alýǵa múmkindik beredi.
Arnaıy qosymshany paıdalaný úshin Qazposhtanyn áleýmettik jelidegi paraqshasyna kirip, «unaıdy» belgisin basyp, «qosymshany paıdalaný - túımeni synap kórý» belgisin qoıý qajet.
Myna silteme boıynsha qosymshamen tanysýǵa bolady.
