Facebook áleýmettik jelisi arqyly adamdardyń jynystyq baǵytyn anyqtaýǵa múmkin
ASTANA. 13 naýryz. QazAqparat - Facebook áleýmettik jelisi arqyly adamdardyń jynystyq baǵytyn anyqtaýǵa bolady, dep jazady «Ekspress K» basylymy búgingi sanynda.
Zertteý nátıjesinde adamdardyń Facebook jelisin qalaı paıdalanatynyn baıqap otyratyn kompıýterlik baǵdarlamalardyń arqasynda jınaqtaýǵa bolatyn jeke aqparattyń eleýli kólemi anyqtaldy.
Kembrıdj ýnıversıtetinde júrgizilgen zertteý málimetine qaraǵanda, osy tektes baǵdarlamalar Facebook-ti paıdalanýshylardyń jynystyq baǵyty, olardyń esirtkige qushtarlyǵy, sondaı-aq ata-analarynyń ajyrasýy faktileri sekildi jabyq aqparatty aıqyndaýǵa qaýqarly.
Atap aıtqanda, erlerdiń jynystyq baǵyty boıynsha algorıtmderdiń anyqtaǵan naqtylyǵy 88 paıyzdy, adamdardyń dinı nanymdary men saıası kózqarasy 80 paıyz deńgeıinde, násilin 95 paıyz naqtylyqpen kórsetken eken. Sonymen qatar azamattyń turpaty men emotsııalyq turaqtylyǵyn 62-75 paıyz dáldikpen aldyn ala boljaýǵa múmkin bolǵan.
