Facebook adamdardyń kelbetin anyqtaıtyn fýnktsııany iske qospaq
Photo Review dep atalatyn fýnktsııanyń kómegimen qoldanýshy óz sýretin arnaıy belgimen nemese «ilmekpen» belgilemese de áleýmettik jeliniń qaı jerinde nemese kimniń qolynda júrgenin baqylap otyra alady. Eger sýretińizdi basqa qoldanýshy paıdalanǵanyn baıqaǵan jaǵdaıda siz sýrettegi adamnyń kimdiki ekenin belgilep qoıyp, óz sýretińizdiń «ıesinen» paıdalanǵan sýretti óshirýin suraı alasyz nemese Facebook-tiń tehnıkalyq qoldaý qyzmetine júginýge bolady.
«Photo Review tek qana jalpyǵa ashyq sýretterdegi adam kelbetin anyqtaıdy. Arnaıy baptaýlar arqyly kórsetilimi shektelgen sýretterdi fýnktsııa anyqtaı almaıdy», - dep jazady portal.
Sonymen qatar qoldanýshylar jańa tehnologııany múldem óshirip, nemese adamnyń túr-nobaıyn anyqtaı alatyn shablondardy alyp tastaı alady.
Aldaǵy aptalarda Photo Review Facebook jumys istep turǵan barlyq elderde iske qosylmaq. Tek qana Eýropa elderi men Kanada ǵana bul qatarǵa enbeıdi. Sebebi bul memleketterdiń zańy áleýmettik jelilerde adamdardyń kelbetin anyqtaıtyn tehnologııalardy qoldanýǵa tyıym salady.