Facebook 4,5 mln. adamdy jumyspen qamtyp otyr
ASTANA. QazAqparat - Álemdegi iri áleýmettik jelilerdiń biri, 1,35 mıllıard belsendi paıdalanýshysy bar Facebook ótken jyldyń qorytyndysy boıynsha álemdik ekonomıkaǵa 227 mıllıard dollar ákelgen.
Sonymen qatar, Mark Tsýkerbergtiń kompanııasy 4,5 mln jumys ornyn qurýǵa járdemdesti. Facebook tapsyrysy boıynsha Deloitte & Touche fırmasynyń zertteý nátıjesi osyndaı.
D&T sarapshylary saıtqa qatysy bar kez kelgen sharýashylyq qyzmetti, gadjetke degen suranys, ǵalamtor qyzmetin de eseptegen. Kóptegen kompanııanyń bıznesi áleýmettik jelige táýeldi ekenin atap ótti. Olar osylaısha jarnama jasap, jańa klıentterin tartady, dep jazady sheteldik BAQ.
