Facebook 2 mlrd. dollarǵa jańa kompanııa satyp almaq
ASTANA. QazAqparat - Facebook áleýmettik jelisi «vırtýaldy álemge» kózildirik daıyndaıtyn Oculus VR kompanııasyn satyp alady, dep habarlady «The Wall Street Journal».
Quny 2 mlrd AQSh dollary turatyn kompanııamen kelisimdi AQSh federaldy saýda komıssııasy kelesi aıda maquldaıdy.
Facebook jetekshisi Mark Tsýkerbergtiń naýryz aıynda Oculus VR kompanııasynyń bolashaǵy alda dep aıtqanynan keıin-aq osy kelisimshart jasalatyny belgili bolǵan edi, dep jazady sheteldik BAQ. «Oculus VR» kompanııasyn 21 jastaǵy jas kásipker Palmer Lakı 2013 jyly qurǵan. Ol bıznesin iPhone jóndeýden bastapty.
Vırtýaldy kózildirikter ázirge kópshilikke arnalmaǵan.
Aıta ketý kerek, bul Facebook-tiń bıylǵy mlrd-tyq ekinshi saýdasy. Aqpanda kompanııa WhatsApp-ty 19 mlrd.-qa satyp alǵan. Al 2012 jyly Instagram úshin $1 mlrd. tólegen bolatyn.
