Facebook 16 mlrd. dollarǵa WhatsApp messendjerin satyp alady
ASTANA. QazAqparat - Amerıkandyq Facebook áleýmenttik jelisi WhatsApp smartfondary úshin messendjer satyp alady. Mámileniń quny 16 mlrd. dollardy qurady, delingen kompanııanyń málimdemesinde, dep habarlady RBK.
16 mlrd. dollardyń 4 mıllıardyn kompanııa qolma-qol tóleıdi, taǵy 12 mlrd.-y - Facebook aktsııalarymen óteledi. Kompanııanyń málimdeýinshe, WhatsApp negizin qalaýshylardyń biri ıAn Koým kompanııanyń dırektorler keńesine kiredi.
Kelisimde 3 mlrd. dollar kólemindegi aktsııalardy shekteýlerimen WhatsApp kompanııasy negizin qalaýshylary men qyzmetkerlerine berýdi mámile jabylǵannan keıin tórt jyl boıy júrgizý kózdelgen. Facebook-tyń paıymdaýynsha, WhatsApp-ty satyp alý eki kompanııanyń da paıdalanýshylar qataryn jáne olardyń belsendiligin arttyrýdy shapshańdatady.
"WhatsApp jýyrda 1 mıllıard adamdy qosady. Bul mejeni eńseretin servıstiń qundylyǵy óte joǵary», - dep málimdedi Facebook basshysy jáne negizin qalaýshy Mark Tsýkerberg.
WhatsApp messendjeriniń paıdalanýshylar sany 450 mıllıon adamǵa jýyqtaıdy. Ol mátindik habarlamalardy, sýretterdi, beıne jáne aýdıo jazbalaryn jiberýge múmkindik beredi. Messendjer barlyq iri uıaly tuǵyrnamalarda jumys isteıdi. 2012 jyldyń jazynda WhatsApp kómegimen 27 mlrd.-qa jýyq habarlamalar jiberildi.
