Fabıo Kapello «Qaırat» fýtbol klýbynyń mereıtoıyna keledi
ASTANA. QazAqparat - Reseı quramasynyń bas bapkeri Fabıo Kapello «Qaırat» fýtbol klýbynyń 60 jyldyǵyna arnalǵan «Juldyzdar matchynda» Álem quramasyna jetekshilik etý jónindegi usynysty qabyl aldy, dep habarlaıdy qazaqstandyq komandanyń baspasóz qyzmeti.
«Reseı quramasynyń bas bapkeri Fabıo Kapello «Qaırat» klýbynyń aty ańyzǵa aınalǵan fýtbolshylarmen ótetin matchynda Álem quramasyn basqarýǵa kelisimin berdi», - delingen habarlamada.
Bıyl «Qaırat» fýtbol klýby óziniń 60 jyldyǵyn toılaýda. Osyǵan oraı ótkiziletin eń mańyzdy oqıǵalardyń biri Almaty qalasyndaǵy Ortalyq stadıonda ótetin «Juldyzdar matchy» bolmaq: Álem quramasy «Qaırattyń» asa tanymal bolǵan fýtbolshylarymen kezdesedi.
«Qonaqtar sapynda Álem kýbogin, Chempıondar Lıgasyn, qurlyqtyq kýboktardyń, sonymen qatar Álem jáne Eýropanyń eń úzdik fýtbolshylary ataǵynyń laýreattary men ıegerleri bolady», - dep jazady klýbtyń baspasóz qyzmeti.
