Fabıo Kannavaro fýtboldan Ózbekstan quramasynyń tizginin ustady

ASTANA. KAZINFORM – Italııalyq maman fýtboldan Ózbekstan ulttyq quramasynyń bas bapkeri bolyp taǵaıyndaldy. 

Bul jóninde Ózbekstan fýtbol federatsııasy resmı túrde málim etti.

Belgili bapker quramaǵa 2026 jylǵy álem chempıonaty fınaldyq kezeńinde jetekshilik etedi. Ózbekstandyq fýtbolshylar óz tarıhynda alǵash ret dúnıejúzilik dodaǵa joldama alǵan bolatyn.

Fabıo Kannavaro 1973 jyly dúnıege kelgen. Sporttyq mansabynda Italııanyń «Napolı», «Parma», «Inter», «ıÝventýs», Ispanııanyń «Real Madrıd», Birikken Arab Ámirliginiń «Al-Ahlı» klýbtarynda dop tepken. 

Italııa ulttyq quramasynda 1997-2010 jyldary 136 kezdesýde 2 márte gol soqty. 

2013 jyly BAÁ-niń «Al-Ahlı» bas bapkerdiń kómekshi bolsa, odan keıin Qytaıdyń «Gýnchjoý Evergrand», «Tıantszın Tsıýantszıan», «Gýanchjoý» jáne fýtboldan Qytaı quramasynyń, Saýd Arabııasyndaǵy «Ál-Nasr», Italııadaǵy «Benevento», «Ýdıneze», Horvatııadaǵy «Dınamo Zagreb» klýbtarynyń tizginin ustady.

Eske salsaq, budan buryn belgili maman Talǵat Baısýfınov fýtboldan Qazaqstan ulttyq quramasynyń bas bapkeri mindetin ýaqytsha atqaratynyn habarlaǵan edik.