Fabıo Arý «Djıro d'Italııa» dodasyndaǵy úzdik jas shabandoz atandy
ASTANA. QazAqparat - 24 jastaǵy ıtalıandyq shabandoz, qazaqstandyq «Astana» komandasynyń kapıtany Fabıo Arý Djıro d'Italııa-2015 jarysynyń qatarynan ekinshi taý kezeńinde jeńiske jetti.
Osylaısha Arý Djıro podıýmynyń ekinshi satysyna shyǵyp qana qoımaı, eń úzdik jas shabandoz atalymyn jeńip aldy, dep jazady Sports.kz .
«Joldyń boıynda maǵan qoldaý kórsetken jankúıerler kóp boldy, ózimdi úıde júrgendeı sezindim. Kezeń boıy alda bolyp jumys istedik. Osy kúnderdiń bárinde Landa komanda úshin janyn aıamaı eńbek etti. Maǵan Kolle delle Fınestrede júrý qıynǵa soqty, biraq keıin túsý jolynda Mıkelge qosylyp kettim. Bul meniń kezeńdegi eki kúnniń ishindegi ekinshi jeńisim. Qanshama kún qınalǵannan keıin barlyǵyn tolyq sezine almaı otyrmyn», - dedi Fabıo Arý.
