Faberjeni jutqan qaraqshy: polıtsııa alty kún kútip, qymbat áshekeıdi qaıtaryp aldy

ASTANA. KAZINFORM — Polıtsııa Faberje áshekeıin jutqan uryny alty kún boıy baqylap, aqyrynda qymbat buıymnyń syrtqa shyǵýyn kútti, dep habarlaıdy DW.

Jańa Zelandııa polıtsııasy bondıanadaǵy «Segizaıaq» fılmi motıvimen jasalǵan kollektsııalyq Faberje áshekeıin urlady dep kúdikke ilingen adamdy ustaǵan.

32 jastaǵy qaraqshy quny shamamen 19 myń dollar turatyn kýlondy jutyp qoıǵan. Polıtsııanyń aıtýynsha, áshekeıdiń «urynyń denesinen medıtsınalyq aralasýsyz, tabıǵı jolmen shyǵýyna» alty kún ketken.

Kýlonnyń esh jeri búlinbegen, tipti baǵasy jazylǵan túpnusqa japsyrmasy da sol kúıi saqtalǵan. Polıtsııa kúdiktini taǵy da baqylaýda ustaıtynyn aıtty, sebebi «basqa da oljalar» tabylýy múmkin desedi.

Onlaın sıpattamada kýlonnyń «18 karattyq altynan jasalǵan sándi qaptamasy, kók sapfırler jáne gúl pishindi aq gaýhartas órnegimen ásem bezendirilgeni» atap ótilgen.

Budan buryn Almaty oblysynda 9 aılyq sábı áshekeı buıymdy jutyp qoıǵanyn jazǵan edik. Almaty oblysyndaǵy Іle aýdanynyń dárigerleri 9 aılyq búldirshinniń asqazanynan áshekeı buıym alyp shyqty.