F.Roých: Birneshe jekpe-jekten keıin Golovkın álemniń úzdik boksshylarynyń biri atanady
ASTANA. QazAqparat - Birneshe jekpe-jekten keıin WBA-nyń orta salmaqtaǵy álem chempıony Gennadıı Golovkın salmaq dárejesine qaramastan pound-for-pound boksshy atanady, ıaǵnı ol ǵalamshardyń úzdik boksshylarynyń álemdik kóshbasshylary qataryna kiredi.
Osyndaı pikirin The Boxin Voice-qa bergen suhbatynda «jyl jattyqtyrýshysy» ataǵynyń alty dúrkin ıesi Freddı Roých bildirdi, dep habarlanady GGG-diń VKontakte áleýmettik jelisindegi resmı paraqshasynda.
«Golovkın - óte myqty boksshy, onyń jattyqtyrýshysy da jaqsy. Men kóptegen boksshylardyń Golovkınmen aıqasýdan qashyp júr dep oılaımyn. Buryn ony Amerıkada asa elemese, qazir sol olqylyqtyń orny toltyrylyp jatyr. Birneshe jekpe-jekten keıin ol álemdegi úzdik pound-for-pound boksshylardyń biri bolady dep oılaımyn», - dedi Fredı Roých. Buǵan deıin habarlanǵandaı, Gennadıı Golovkın óziniń kelesi jekpe-jegin 21 aqpan kúni Monakoda brıtandyq Martın Mıýrreıge qarsy ótkizedi.
