F.Mogerını QHDR-dy álemdik qoǵamdastyqpen dıalogty jańartýǵa shaqyrdy
BRıÝSSELЬ. QazAqparat - Koreıa Halyqtyq Demokratııalyq Respýblıkasynyń sýtegi bombasyn synaýy Soltústik Shyǵys Azııadaǵy beıbitshilik pen qaýipsizdikke qaýip tóndirdi. Bul týraly sársenbide Shetel isteri jáne qaýipsizdik saıasaty jónindegi Eýropalyq Odaqtyń Joǵary ókili Federıka Mogerını taratqan málimdemede aıtyldy.
«KHDR úkimeti búgin tańerteń ıadrolyq synaq júrgizetini týraly málimdedi. Eger bul aqparat rastalsa, onda bul áreket KHDR BUU Qaýipsizdik keńesiniń birneshe qararynda bekitilgen ıadrolyq qarýdy shyǵarmaý nemese synaqtan ótkizbeý týraly halyqaralyq mindettemelerdi eleýli buzǵan bolyp sanalady. Bul sondaı-aq, Soltústik Shyǵys Azııadaǵy beıbitshilik jáne qaýipsizdikke qaýip tóndiredi», - dep atap ótilgen habarlamada.
Eýropalyq dıplomatııa basshysy KHDR dıplomatııalyq kúshterdiń jaǵdaıyn túsinýge jáne Koreı jarty aralynyń ıadrolyq qarýdan azat etý boıynsha altyjaqty kelissózdi jańartýǵa shaqyrdy.
Eske salsaq, sársenbide Soltústik Koreıa sýtekti bombany sátti synaqtan ótkizgeni jaıly málimdegen. BAQ derekterine sáıkes, bomba qýaty boljammen, alty kılotonnany quraǵan. Osyǵan baılanysty BUU Qaýipsizdik Keńesi sársenbide jospardan tys kezdesý ótkizedi. Otyrys Nıý-Iork ýaqytymen saǵat 11:00-ge taǵaıyndalǵan.
