F. Meıvezer: Golovkın - myqty, biraq ol bir jaqty ári qandaı da bir arnaıy ádisteri joq
ASTANA. QazAqparat - Amerıka boksshysy kishi Floıd Meıvezer Gennadıı Golovkındi taǵy bir ret synǵa aldy, dep habarlandy GGG tobynyń VKontakte áleýmettik jelisindegi paraqshasynda.
«Golovkınniń buryn qalaı judyryqtasqanyn kórmedim, tek keı sátin ǵana baıqap qaldym. Odan keıin men onyń kishi Vıllı Monromen aıqasyn kórý múmkindigine ıe boldym. Golovkın ózine ne kerek, sony istedi, biraq ol meni ózimniń salmaǵymda soqqyǵa jyǵa almaıdy, óıtkeni men ol úshin óte aqyldymyn. Golovkın - myqty, biraq ol bir jaqty ári qandaı da bir arnaıy ádisteri joq. Bul meniń kózqarasym», - dedi Floıd.
