Ejelgi úńgirdegi kishkentaı alaqan izderiniń qupııasy ashyldy
ASTANA. QazAqparat - Ǵalymdar Mysyr elindegi Vadı Sýra ІІ úńgiri qabyrǵalaryndaǵy kishkentaı «qoldardyń» izderi adamdyki emes ekenin anyqtady. Zertteýshiler kóne sýretshilerdiń osyndaı sýretterdi janýarlardyń kómegimen jasaǵanyn shamalap otyr.
Lıvııa shólindegi Vadı Sýra ІІ úńgirindegi tasqa salynǵan sýretter 2002 jyly anyqtalǵan. Olardyń barlyǵy 8 myńnan astam jyl buryn jasalǵan. Mundaǵy kóptegen sýretter janýarlardyki bolǵan soń ǵalymdar bul oryndy janýarlar úńgiri dep ataǵan.
Alaıda janýarlardyń sýretterinen basqa úńgirdiń qabyrǵalarynda qol izderi, sonyń ishinde óte kishkentaı qoldardyń izderi bar. Zertteýsheler bul jańalyqqa qýanyp qaldy, sebebi buryn balalar qoldarynyń izderi tek avstralııalyq jartas sýretterinen ǵana tabylǵan bolatyn, dep jazady epochtimes.ru.
