Ejelgi turǵyndar da aspırın men antıbıotıkterge uqsas zattardy paıdalanǵan
ASTANA. QazAqparat - Úńgirdegi adamdar dárilik ósimdikter týraly keńinen tanyǵan. Genetıkalyq zertteý kórsetkendeı, olar dárilik ósimdikterdi tis aýrýyn emdeý úshin qoldanǵan.
Olar 42000-50000 jyl buryn ósimdikterdiń qasıetterin paıdalana bilgen.
The Mirror habarlaǵandaı, Adelaıd ýnıversıtetiniń ǵalymdary úńgirden tabylǵan neandertaldyqtardyń (Ispanııadaǵy El-Sıdron jáne Belgııadaǵy Spa qalasy) tisterin zerttegen.
Sonymen Spadaǵy úńgirdegi neandertaldyqtar júndi múıiztumsyqtar men eýropalyq jabaıy qoılardy, sondaı-aq jabaıy sańyraýqulaqtardy tamaqtaryna paıdalanǵan. El-Sıdrone úńgirindegi ejelgi adamdar, alǵashqylarmen salystyrǵanda, et jemegen. Olar vegetarıandyq úlgidegi tamaqtardy (qaraǵaı jańǵaqtaryn, múk, sańyraýqulaqtar men aǵash qabyǵyn) kóbirek tutynǵan.
