Ejelgi Mysyr perǵaýyny Sanaht alyp bolǵan
ASTANA. QazAqparat - Shveıtsarııada Tsıýrıhte ornalasqan Evolıýtsııalyq medıtsına ınstıtýtynyń zertteýshileri ejelgi Mysyr perǵaýyndarynyń biri Sanahtyń sol ýaqytta ómir súrgen adamdarmen salystyrǵanda áldeqaıda uzyn bolǵandyǵyn dáleldedi.
1901 jyly Bet-Hallafe molasynan tabylǵan perǵaýyn mýmııasyn egjeı-tegjeıli zerttegen ǵalymdar Sanahtyń boıy 1 metr 98 santımetr bolǵan degen baılamǵa keldi. Onyń ústine ejelgi mysyrlyqtardyń sol kezdegi ortasha boıy 170 santımetrdi quraǵan.
Bul jańalyqqa deıin mysyr perǵaýyndary arasynda eń uzyny - boıy 175 santımetr bolǵan Ramzes ІІ sanalyp kelgen edi.
