Ejelgi maııalardyń sýmen shaıatyn dárethanalary bolǵan
ASTANA. Jeltoqsannyń 29-y. QazAqparat - Arheologtar maııalyqtardyń sý qysymymen jumys isteıtin sý qubyrlaryn salýǵa qabiletti bolǵandaryn ashty,
dep habarlaıdy QazAqparat Lenta.rý saıtyna silteme jasap.
Palenk qalasynda júrgizilgen qazba kezinde zertteýshilerge erekshe qubyrdy tabýdyń sáti tústi. Kóldeneń ornalasqan kóptegen arnalardan aıyrmashylyǵy - qubyr qıǵashtap salynǵan. Bul konstrýktsııa túbine qaraı taryla túsedi.
Ǵalymdar mundaı konstrýktsııanyń 6 metrlik burqaq úshin jetkilikti qysym týǵyzatynyn anyqtady. Sonymen qatar, arheologtardyń aıtýynsha, qysym saraılarda sýmen shaıatyn dárethanalar jasaý úshin paıdalanylýy múmkin.
Qazirgi ýaqytqa deıin Ońtústik Amerıkaǵa sý qubyrlaryn XVI ǵasyrda ıspandyqtar ákelgen dep sanalyp keldi. Tabylǵan qubyr, óz kezeginde, bizdiń dáýirimizge deıin 750-inshi jyl shamasynda salynǵan.
