Ejelgi qustar samǵaý úshin tisterinen qutylýǵa tyrysqan
ASTANA. Jeltoqsannyń 15-si. QazAqparat - Paleontologtar qazirgi qustardyń keıbir arǵy tekteri dene salmaqtaryn jeńildetý jáne ózindik ushý sıpattamalaryn jaqsartý úshin tisterinen qutylǵanyn anyqtady,
dep habarlaıdy QazAqparat Lenta.Rý saıtyna silteme jasap.
Budan 150 mıllıon jyl buryn ómir súrgen eń ejelgi qustardyń arǵy tekteriniń biriniń tisteriniń sany óte kóp bolǵan. Alaıda arada 20 mıllıon jyl ótkennen keıin Jerde tissiz qustar tirshilik ete bastaǵan. Jańa zertteýlerdiń aıasynda ǵalymdar qazirgi qustardyń arǵy tekteriniń tisterinen aıyrylýyna ne nárse májbúr etti degen suraqtyń ushtyǵyna shyǵýǵa den qoıdy.
Paleontologtardyń nazaryn jasy 22 mıllıon jyldy quraıtyn qustardyń Zhongjianornis yangi túri aýdardy. Osy túrdiń, sondaı-aq olardyń «áriptesteriniń» qaldyqtaryna jasalǵan saraptama kóptegen tissiz qarapaıym qustardyń ushýǵa jaqsy beıimdelgenin kórsetti.Ǵalymdar qustardyń arǵy tekteri tisterinen aırylý arqyly bastarynyń salmaqtaryn jeńildetkenin jáne osylaısha deneleriniń teńgerimin ózgertkenin anyqtady. Bul óz kezeginde, ushý sıpattamalaryn jaqsartýǵa jaǵymdy áser etken.
