«Ejelgi Kashmır men Delıdegi Túrkistan perzentteri» - respýblıkalyq basylymdarǵa sholý
ASTANA. Qarashanyń 25-i. / QazAqparat/ - Qazaq aqparat agenttigi respýblıkalyq basylymdarda qarashanyń 25-i, sársenbi kúni shyqqan ózekti materıaldarǵa sholýdy usynady.
Keshe Elbasy Nursultan Nazarbaev 2011 jyly Qazaqstanda ótetin Azıadaǵa arnalyp halyqaralyq standarttarǵa sáıkes Almaty mańynda salynyp jatqan sońǵy úlgidegi zamanaýı sport keshenderin aralap kórdi. Tolyǵyraq «Egemen Qazaqstan» basylymynyń búgingi sanyndaǵy «Sport nysandary elge qyzmet etedi» degen taqyryppen berilgen maqalaǵa nazar aýdaryńyz.
Osy taqyryptaǵy maqalany «Aıqyn», «Kazahstanskaıa pravda» gazetteriniń búgingi sanynan da oqı alasyzdar.
Prezıdentpen ótken tikeleı jeli kezinde kelip túsken suraqtardyń bes myńy bilim jáne ǵylym salasyna qatysty boldy. «Egemen Qazaqstan» basylymynyń búgingi sanynda osy suraqtarǵa Bilim jáne ǵylym mınıstri Janseıit Túımebaevtyń bergen jaýaptary jarııalanypty.
Sonymen qatar «Izvestııa Kazahstan» basylymnyń búgingi sanynan da mınıstrdiń jaýaptarynan egjeı-tegjeıli habardar bola alasyz.
«Kúndelikti ómirde mádenıet pen órkenıetti bir uǵym dep túsinip júrmiz. Shyndyǵynda ekeýinde jaqyndyq bolǵanmen, bular bir túsinik emes. Sondyqtan da olardy sınonım retinde aıtpaı, óz ornyna paıdalaný kerek», - dep ortaǵa ózgeshe qózqaras tastaǵan atalmysh basylymnyń búgingi sanyndaǵy fılosofııa ǵylymdarynyń doktory, professor Ábdesh Qalmyrzaevtyń maqalasy «Mádenıet jáne órkenıet» degen taqyrypqa qurylypty.
«Ejelgi Kashmır men Delıdegi Túrkistan perzentteri». Osy taqyryppen berilgen «Egemen Qazaqstan» gazetindegi kelesi maqala ıAsy-Túrkistanda týylyp, Kashmırde ıslam dininiń órken jaıýyna aıanbaı qyzymet etken jerles ǵalymdar jaıly syr shertedi.
***
Búgin Qazaqstanda II- medıa quryltaı óz jumysyn bastady. Jýrnalısterdiń osy basqosýy qarsańynda quryltaıdy úılestýrýshi uıym Qazaqstan Baspasóz klýbynyń prezıdenti Ásel Qarýylova «Aıqyn» gazetiniń saýaldaryna jaýap beripti. Basylymnyń búgingi sanyndaǵy «Qazirgi BAQ eki ortada qalǵandaı kúı keship otyr...» degen taqyryptaǵy suhbatqa nazar aýdaryńyz.
«Halyqaralyq talaptarǵa saı keletin bilim berý baǵdarlamalaryn ázirleý kerek», - deıdi Parlament Májilisiniń depýtaty, tehnıka ǵylymdarynyń doktory, professor Qylyshbaı Bısenov «Aıqyn» gazetine bergen suhbatynda. Atalmysh basylymnyń dástúrli «Aq sóıle» aıdarymen berilgen suhbat elimizdiń bilim berý salasyndaǵy jáne basqa da ózekti máseleler tóńireginde oı órbitedi.
«Qazaqstandyq úlesti arttyrý jónindegi mindettemelerin oryndamaǵan kompanııalarmen aradaǵy kelisimshart úziledi»,- dep jazdy «Aıqyn» basylymynyń búgingi sany. Anyǵyraq bilgińiz kelse gazettiń «Qazaqstandyq úlestiń jańa tujyrymy» degen maqalaǵa nazar aýdaryńyz.
***
Ońtústik Koreıanyń Goıang qalasynda ótip jatqan aýyr atletıkadan álem chempıonatynda qazaqstandyq sportshy Zúlfııa Chınshanlo el qorjynyna altyn medal saldy. «Lıter» basylymynyń jazýynsha, 53 salmaq dárejesine deıingi sanatta óner kórsetken Zúlfııanyń jigeri men tabandylyǵyna tipti mol tájirıbeli qytaılyq Chen Sıaotın men óz jerinde óner kórsetip jatqan koreılik Chjın Hı ıÝn tótep bere almaǵan. Goıang qalasynda altyn júldege ıe bolǵan 16 jastaǵy Z.Chınshanlo eń jas álem chempıony retinde Gınnes rekordtar kitabyna engen.
Zúlfııa Chınshanlony QR Prezıdenti Nursultan Nazarbaev quttyqtady.
Osy taqyrypty jalǵastyrǵan «Kazahstanskaıa pravda» basylymy sportshyǵa joldanǵan Elbasynyń jedelhatyn jarııalaǵan. Onda «seniń jeńip alǵan altyn medaliń Qazaqstan Respýblıkasynyń halyqaralyq arenadaǵy bedelin nyǵaıtýǵa qosqan jeke úlesiń, otandyq sporttyń dańqty shejiresiniń taǵy bir jarqyn beti. Bul jaqyndap kele jatqan Táýelsizdik merekesine tamasha tartý. Qazaqstandyq jankúıerler senen jańa sporttyq jetistikter kútedi. Olarmen birge men de saǵan budan bylaı da jańa jeńisterge jetýińe tilektespin», delingen.
«Ekspress K» basylymynyń búgingi sanynan taıaýda Elbasymen ótken tikeleı jeli barysynda transport jelilerine qatysty túsken suraqtardyń eń ózektilerine jaýaptar jarııalanǵan.
Avıabıletterdiń qymbattyǵy, bıletterdi alypsatarlarmen kúres, bıletsiz júrý, Jezqazǵan - Arqalyq jolynyń problemalary, Jezqazǵan - Qyzylorda ýchaskesiniń qurylysy sııaqty mańyzdy suraqtarǵa jaýap berilgen.
QR Kólik jáne kommýnıkatsııa mınıstri Á.Qusaıynov basylymǵa bergen suhbatynda joldardyń qurylysy men qaıta jańǵyrtý merzimderi týraly áńgimelegen. Ol kóliktik baqylaý komıtetimen jolaýshylardy bıletsiz tasymaldaıtyn jolseriktermen kúres jumystary kúsheıtilgendigin aıtqan. Atap aıtqanda, aǵymdaǵy jyldyń 9 aıynda jolaýshylar tasymaldaý erejesiniń óreskel buzylýyna jol bergen 252 jolserik pen 29 poıyz bastyǵy qyzmetinen bosatylǵan.
