Ejelgi Otyrar qalaı qalpyna keltirilip jatyr
ASTANA. KAZINFORM –Túrkistan oblysyndaǵy Otyrar qalashyǵynda ǵylymı-restavratsııalyq jumystar júrgizilip jatyr. Bul týraly Mádenıet jáne aqparat mınıstrligi habarlady.
«Qazqaıtajańartý» RMK mamandary kóne qurylys tehnologııalaryn qoldana otyryp, kóne keshenniń jekelegen bólikterin qalpyna keltirip jatyr.
Qalashyq aýmaǵyndaǵy turǵyn úıler qabyrǵalarynyń jekelegen bólikteri bekitilip, zaqymdanǵan tustary jóndeldi. Ejelgi oshaqtyń sylaq qabattary da qalpyna keltirildi.
Sonymen qatar kireberis jol retke keltirilip, búlingen sylaq qabaty jańartyldy. Qalashyqty aınala qorshaǵan ordy jaýyn-shashynnyń áserinen qorǵaýǵa erekshe kóńil bólindi. Onyń betine saban aralastyrylǵan arnaıy sylaq jaǵyldy.
Dástúrli ádispen daıyndalǵan bul qospa qorǵanysh qabatyn nyǵaıtyp, túrli syrtqy áserden bolatyn búlinýdi azaıtady.
Ǵylymı-restavratsııalyq jumystarda Otyrardyń tarıhı erekshelikteri eskerilip, arheologııalyq eskertkishtiń túpnusqa kelbetin saqtaýǵa basymdyq berilip otyr.
Otyrar qalashyǵynan XIII-XVIII ǵasyrlarǵa tıesili qundy jádigerler tabylǵanyn jazǵan edik.
