«Eır Astananyń» ushaǵy 85 jolaýshysymen kókke kóterilip, apatty jaǵdaıda jerge qaıta qondy
ASTANA. 3 jeltoqsan. QazAqparat - 1 jeltoqsan kúni saǵat 23.30-da Astana qalasy áýejaıyna, sol jaq qozǵaltqyshynyń temperatýrasynyń joǵarylaýy saldarynan «Eır Astana» áýe kompanııasynyń «A-321» áýe kemesi qaıta qonýǵa májbúr boldy.
Bul týraly QR ІІM Kóliktegi ІІD baspasóz qyzmetinen habarlady.
Áýe kemesi jergilikti ýaqyt boıynsha 22.35-te Astana qalasynyń áýejaıynan ushyp shyqqan bolatyn.
Dabyl túskennen keıin jınalý ornyna Jelilik polıtsııa bóliminiń jáne Astana qalasy áýe kóligi prokýratýrasynyń qyzmetkerleri kelip jetti.
Ushaq bortynda 85 jolaýshy men 10 ekıpaj músheleri bolǵan.
Ekıpaj músheleri, jolaýshylar jáne qyzmet kórsetýshiler arasynan zardap shekkender joq.
2 jeltoqsanda «A-321» áýe kemesi tekserilip, aqaýy qalpyna keltirilgennen keıin óz baǵyty boıynsha ushyp ketti.
Qazir tergeýge deıingi tekserý júrgizilýde.
