«Eır Astananyń» qyzmetkerine qol jumsaǵan eks-bankırge qatysty qylmystyq is qozǵaldy
ASTANA. 4 qazan. QazAqparat - «Eır Astananyń» qyzmetkerine qol jumsaǵan eks-bankır Darhan Botabaevqa qarsy qylmystyq is qozǵaldy, dep habarlaıdy Almaty qalasy Bostandyq aýdany prokýratýrasynyń baspasóz qyzmetinen.
Aýdan prokýratýrasynyń búgingi kúni ushaq bıletin satý jónindegi qyzmetker N.Baıǵazıevanyń 11 qyrkúıekte «Nurly Taý» bıznes-ortalyǵynda ornalasqan «Eır Astana» AQ keńsesinde bolǵan D.Botabaevtyń sotqarlyq áreketine qatysty aryzyn qarastyrǵany atap aıtylýda.
13 qyrkúıekte atalǵan fakti boıynsha Almaty qalasy ІІD Bostandyq aýdany ákimshilik polıtsııa bóliminiń ІІB ýchaskelik ınspektory D. Botanbekov QR QІK 37-baby 1-bólimi 2-tarmaǵy negizinde ıaǵnı, qylmys quramy bolmaǵandyqtan, qylmystyq isti qozǵaýdan bas tartý týraly qaýly shyǵardy.
«30 qyrkúıekte aryzdy qarastyrý nátıjesi boıynsha, aýdan prokýratýrasy qylmystyq isti qozǵaýdan bas tartý týraly qaýlynyń kúshin joıdy jáne D.Botabaevqa qatysty QR QK 257-baby 1-bólimi boıynsha qylmystyq isti qozǵap, tergeý úshin Almaty qalasy ІІD-ne jiberdi», - dep aıtylǵan prokýratýra habarlamasynda.
