«Eır Astanaǵa» qatysty tergeý sharalary qorytyndylandy
ASTANA. QazAqparat - Tabıǵı monopolııalardy retteý jáne básekelestikti qorǵaý komıtetinde Kelisý komıssııasynyń otyrysy ótip, onda «Eır Astana» AQ qatysty tergep-tekserý qorytyndylary jasaldy, dep habarlaıdy QazAqparat.
Kelisý komıssııasynyń quramyna monopolııaǵa qarsy organnyń qyzmetkerlerimen birge, UKP, Azamattyq avıatsııa komıteti, Básekelestikti jáne taýar naryqtaryn damytý qaýymdastyǵy, Básekelestik saıasatyn damytý jáne qorǵaý ortalyǵynyń ókilderi kirdi.
«Kelisý komıssııasynyń músheleri monopolııaǵa qarsy organ úshin, atap aıtqanda, usynylǵan materıaldar negizinde monopolııalyq joǵary baǵa belgileý faktisiniń dáleldenbegenine baılanysty tergep-tekserýdi toqtatý, sondaı-aq 2017 jyly turaqty ishki reıstermen jolaýshylar avıatasymaly kórsetetin qyzmeti naryǵyna taldaý júrgizýge ózderiniń usynystaryn aıtty. «Eır Astana» AQ-ǵa tutynýshylardyń tarapynan eskertýlerdi esepke ala otyryp, baǵalardyń ústińgi shegin tómendetý arqyly ishki avıatasymaldar qyzmetterine baǵalardy ońtaılandyrý jáne tutynýshylardyń arasynda usynylatyn qyzmetterge baǵa belgileý tetigi boıynsha túsindirý jumystaryn júrgizý usynyldy»,-dep atap ótilgen komıtettiń baspasóz qyzmeti taratqan habarlamada.
Bul usynystar budan ári baǵa saıasaty asa ashyq bolatynyn jáne kompanııa klıentteri áýe tasymaly bıletterine tarıfterdiń qalaı qalyptastyrylatynyn biletin jáne túsinetin, al tarıf belgileý kezinde júkteme birqalypty bolatynyn, bul óz kezeginde bıletterdiń negizgi bóligi qunynyń tómendeýine alyp keletinin bildiretin bolady.
