«Eır Astana» jamylǵylardy jetispeýshiligine jolaýshylardy kinálady
ALMATY. QazAqparat - «Eır Astana» áýe kompanııasy jolaýshylardyń bort salonyndaǵy jamylǵylardyń azdyǵyna jasaǵan shaǵymyna qatysty túsinikteme berdi, dep habarlaıdy QazAqparat tilshisi.
Sońǵy ýaqytta áleýmettik jelide jolaýshylar tarapynan narazylyq shaǵymdary kóbeıip ketti.
Áýe tasymaldaýshysy jamylǵylardyń jetispeýshiligine keıbir jolaýshylardyń ózin kinálap otyr.
«Eır Astana» kompanııasy bıyl jazda jamylǵy jetispegen jolaýshylardan keshirim suraıdy. Ár reısten soń jamylǵylar sanıtarlyq tazalaýdan ótedi, jýylyp-tazalanǵan soń qaıtadan jolaýshylarǵa beriledi. Biz óz kezegimizde jolaýshylarǵa aıtqymyz keledi. Jamylǵylardy bortta qaldyryp ketý kerek. Keıbir jolaýshylarǵa bizdiń jamylǵylar qatty unaǵandyqtan bolý kerek, ózimen birge ala ketedi. Ony satyp alýǵa ýaqyt kóp ketedi», - dedi áýe kompanııasynan.
Kompanııa mamandary aıtqandaı, jamylǵylar kepildi qyzmet túrine kirmeıdi.
«Qysqa reısterde tiskebasar men sýsyndar beremiz. 3 saǵattan asqan reıste ystyq tamaq pen ystyq jáne salqyn sýsyn beriledi. Biz qyzmet sapasyn jaqsartý maqsatynda turaqty túrde jolǵa qajetti quraldar jınaǵy, fılm kórýge yńǵaıly qosymshalar, Boing 767/757 avıalaınerlerin personaldy ekranmen qamtý sııaqty qosymsha qyzmet túrlerin engizip kelemiz», - dep málim etti kompanııa.
Aıta ketý kerek, osydan burynyraq ulttyq áýe tasymaldaýshysy jazda ishki baǵyttarda bıletterdiń quny nege aspandap ketetinin túsindirdi.
