«Eır Astana» ushqyshy esirtkimen ustaldy
ALMATY. QazAqparat - «Eır Astana» kompanııasynyń baspasóz qyzmeti bul aqparatty rastady. Olardyń habarlaýynsha, qazir Roman Bykov áýe kompanııasynan shyǵyp ketken.
«Iá, ondaı jaǵdaı boldy. Áýe kompanııasynda ushqyshtar men qyzmetkerlerdiń esirtki paıdalanýyna tyıym salynǵan. Munda qyzmetkerlerden qan taldaýy alynyp, alkogol nemese esirtkige tekseriledi. Roman Bykov qazir áýe kompanııasynda jumys istemeıdi. Ol esirtki tabylǵan soń birden jumystan shyqqan», - dedi kompanııa ókili Tilek Ábdirahımov.
Eske sala ketsek, buǵan deıin BAQ-ta atalmysh kompanııa ushqyshy Máskeýde esirtkimen ustaldy degen aqparat jarııalanǵan bolatyn.
