«Eır Astana» úshin jyl saıyn otandyq 60 joǵary bilikti ushqysh daıarlanatyn bolady
ALMATY. Tamyzdyń 18-i. QazAqparat /Erbol Turymbetov/ - «Eır Astana» Ulttyq avıatasymaldaýshy kompanııa men radıotehnıkalyq júıe pılottaryn daıarlaýshy kolledj ushqyshtardy alǵashqy oqytý baǵdarlamasy (AB-initio) aıasynda kadetter oqytý úshin ózara kelisimin uzartty,
dep habarlaıdy QazAqparat.
Bul kolledj eýropalyq aldyńǵy qatarly jattyǵý ortalyǵy bolyp sanalady jáne Ýoterford (Irlandııa) pen Melbýrn (Germanııa) qalalarynda qolaıly bazalary bar. Osyndaı tańdaýly oqý ornynda endi jyl saıyn «Eır Astana» avıakompanııasy úshin 60 kadet bilim alatyn bolady.
Sonyń arqasynda áýe kompanııasynyń jazǵy ýaqyttaǵy mamandardyń jetkilikti bolýy qamtamasyz etiledi jáne 2022 jylǵa qaraı avıatasymaldaýshy kompanııanyń floty 50 ushaqqa deıin kóbeıetin bolady. «Eır Astananyń» boljamy boıynsha, 2012 jylǵa qaraı joǵary biliktilikti pılottardyń jetispeýshiligi 300-ge deıin artpaq jáne jazǵy ýaqyttardaǵy maman jetispeýshiligi de ulǵaıa túspek. Sondyqtan da, kompanııa bul jaǵdaıǵa jol bermes úshin aldaǵy ýaqytta shtattar quramyn jańa jergilikti pılottarmen tolyqtyratyn bolady.
Ol úshin 18-29 jas aralyǵyndaǵy ótinish berýshiler matematıka, fızıka pánderi jáne densaýlyǵy boıynsha irikteledi. Búginge deıin 8 adam kolledj bitirip, ushaqtarda qyzmet etýde. Qazirdiń ózinde kolledjdiń Florıdadaǵy pılottar daıyndaý bólimshesinde 30 kadet oqyp jatyr, olardyń ishinde Polına Pavlova esimdi bir qyz bar.
«20 jyldyq tájirıbeme súıene otyryp, ózim istegen barlyq avıakompanııalaryndaǵy basty baǵyt - qaýipsizdik pen sapaly bilim deı alamyn. Biz álemdik deńgeıge kóterilýge jáne ekstra-synyptyq pılottardy qabyldaýǵa umtylamyz. Sondyqtan kolledjdiń barlyq jaǵdaıyn tekserip kórdik. Joǵary deńgeıliligine kózimiz jetken soń kelisimimizdi uzartyp otyrmyz», dedi «Eır Astana» prezıdenti Pıter Foster.
Kelisimshartty uzartý aıasynda «AB-initio» baǵdarlamasyna úmitkerlerdi qabyldaý kolledj arqyly júrgiziletin boldy. Kompanııa ókilderiniń aıtýynsha, bul irikteý syndarynyń joǵary deńgeıge kóterilýine múmkindik beretin bolady.
