«Eır Astana» ushaqtarynyń biri Ámına Ómirzaqovanyń esimimen atalatyn boldy
ALMATY. 19 naýryz. QazAqparat - Endi «Eır Astana» kompanııasy jańadan alynǵan Embraer 190 áýelaınerine Qazaqstannyń halyq ártisi, Memlekettik jáne «Tarlan» syılyqtarynyń ıegeri Ámına Ómirzaqovanyń esimin berdi.
Kompanııanyń baspasóz qyzmetiniń habarlaýynsha, ol Astanadan Pavlodar, Qostanaı, Shymkent, Óskemen, Ekaterınbor, Novosibir, Baký, Tbılısı, Bishkek, Orynbor, Omby jáne Tashkent qalalaryna qatynamaq.
«Biz ushaqtarǵa Qazaqstan tarıhy, óneri jáne mádenıetinde tereń iz qaldyrǵan qazaq áıelderiniń esimderin qoıý dástúrin jalǵastyrýdamyz. Bul rette biz ana beınesin ekranda zor kúshpen somdaǵan kórnekti aktrısa Ámına Ómirzaqovany ulyqtap, onyń esimin osy ushaqqa berýdi uıǵardyq, - deıdi «Eır Astana» AQ-nyń Satý jáne marketıng jónindegi vıtse-prezıdenti Ibragım Janlyel. Onyń aıtýynsha, tikeleı Brazılııadaǵy óndirýshi-zaýyttan ákelingen bul «Embraer 190» ushaǵy Embraer tobynyń jetinshi áýe kemesi bolyp otyr. Alǵashqy «Embraer 190» Qazaqstanǵa 2011 jyldyń naýryzynda ákelingen bolatyn. Onyń jolaýshy syıymdylyǵy 97 oryn. Eń úlken jyldamdyǵy - 890 km/s, al ushý alystyǵy - 4200 shaqyrym. Endi jyl sońyna qaraı olardyń sany 8-ge jetkizilmek. Sondaı-aq alty «Erbas 320» jáne «Boıng 767» ushaqtary olardyń áýeparkin tolyqtyrmaq.
