Eır Astana ushaqtarynda aqyly oryndar paıda boldy
ASTANA. QazAqparat - «Eır Astana» áýe kompanııasynyń baspasóz qyzmeti kompanııa ushaqtaryna aqyly oryndardyń engizilýi jóninde túsinikteme berdi, dep habarlaıdy QazAqparat tilshisi.
Budan bylaı, aıaǵyn keńge salyp otyrǵysy kelgen ushaq jolaýshylary qosymsha aqy tólep, bıznes-klasstyń 1-qatarynda nemese ekonom-klasstyń 1-2 qatarlarynda apattyq esik janynda otyra alady.
«Eır Astananyń» baspasóz hatshysy Tilek Ábdirahymovtyń aıtýynsha, bul oryndar buryn jolaýshylarǵa múldem berilmeıtin.
«Buǵan deıin atalǵan oryndar jolaýshylarǵa múldem berilmeıtin, olardy túrli jospardan tys oqıǵalar úshin saqtap otyratyn. Tólemdi satylym keńseleri nemese brondaý ortalyǵy arqyly júzege asyrýǵa bolady. Baǵasy 3 myń teńgeden bastap, baǵytqa baılanysty joǵarylaı beredi», - dedi Ábdirahımov.
Qyzmet quny týraly tolyq aqparatty «Eır Astananyń» resmı saıtynan kórýge bolady. Baspasóz qyzmetiniń habarlaýynsha, mundaı jańalyq halyqaralyq tájirıbeden alynyp otyr.
Qaýipsizdik talaptaryna sáıkes, keıbir jolaýshy sanattaryna apattyq oryndardy brondaý qyzmeti kórsetilmeýi múmkin.
