«Eır Astana» ushaq oqıǵasyna qatysty komıssııa sheshimin obektıvti emes dep baǵalady
ALMATY. QazAqparat - «Eır Astana» kompanııasy avıatsııalyq oqıǵaǵa qatysty QR Investıtsııalar jáne damý mınıstrliginde qurylǵan komıssııanyń shyǵarǵan qorytyndysyna qatysty túsinikteme berdi, dep habarlaıdy QazAqparat tilshisi.
Áýe kompanııasy ekıpajdyń biliksizdigi týraly komıssııa qorytyndysyn obektıvti emes dep baǵalap otyr.
«Eır Astana» kompanııasynyń korporatıvti kommýnıkatsııalar departamenti taratqan aqparatyna sáıkes, komıssııa ázirlegen esep IKAO konventsııasynyń avıatsııalyq apattardy zertteý boıynsha 13-qosymshasynyń talaptaryna sáıkes kelmeıdi.
«Zertteý kezinde barlyq faktorlar nazarǵa alynýy tıis. Komıssııa tótenshe jaǵdaı kezindegi ushý-qoný jolynyń ahýalyn qaperge almaǵan. Áýejaı ekıpajǵa KS 931 reısi ushar aldynda jolaqtyń tejeý koeffıtsıenti 0,5 ekenin habarlaǵan. Alaıda shyn máninde «Boıng» kompanııasy júrgizgen tekserý nátıjesinde bul koeffıtsıent anaǵurlym tómen bolǵany anyqtaldy. Táýelsiz taldaý kórsetkendeı Almatyda aýa raıy da qolaıly bolmaǵan.
Komıssııa áýejaıdyń ushý jolaǵyn jıi tekserip turmaǵanyn, nelikten aıtylǵan san men shyn mánindegi kórsetkish sáıkes kelmegenin túsindirý týraly máseleni qaperge almady.
IKAO konventsııasynyń 13-qosymshasyna sáıkes mundaı taldaýlar tek qana oqıǵa bolǵan eldiń ókilderiniń qatysýymen ǵana emes sonymen qatar ushaqty óndirýshi eldiń mamandarynyń qatysýymen ótýi tıis.
«Bul zertteý obektıvti emes taldaýǵa negizdelip jasalǵan», - dedi áýe kompanııasyndaǵylar.
Aıta ketý kerek, oqıǵa 9 jeltoqsanda Almaty áýejaıynda bolǵan edi.
«Eır Astana» kompanııasynyń Bangkokqa baǵyt alǵan KS 931 reısi áýejaıda jolaq shetine shyǵyp ketken bolatyn.
Ushaq dóńgelekterdiń jer betimen úıkespeýiniń kesirinen qozǵaltqyshtardyń revers kúshimen jolaq syrtyna shyǵyp toqtaýǵa májbúr boldy.
Keıin QR Investıtsııalar jáne damý mınıstrliginde qurylǵan komıssııa avıatsııalyq oqıǵaǵa qatysty tekserý jumysynyń qorytyndysyn jarııalady.
Komıssııa Boıng-767-300ER áýe kemesimen bolǵan avıatsııalyq oqıǵany tergeý qorytyndysy boıynsha oqıǵanyń oryn alýyna ekıpajdyń talapqa saı áreket etpeýi sebep bolǵanyn habarlady.
Foto www.facebook.com/pg/airastana
