«Eır Astana» ushaǵy áýejaıǵa nelikten oraldy - áýe kompanııasy sebepterin atady
«Búgin Nursultan-Almaty baǵytynda KS 622 reısin oryndaǵan Airbus A321 bortynda ádette jerde qoldanylatyn qozǵaltqyshtyń aýa jiberetin klapandarynyń biriniń isten shyqqany týraly dabyl qaǵyldy. Bul aqaýdy joıý úshin nusqaýlyqqa sáıkes ekıpaj aýa baptaý júıesiniń aýa sorǵyshyn óshirdi», - delingen habarlamada.
Áýe kemesiniń qondyrýǵa kirisken ekıpaj qosalqy qýat blogyn iske qosyp, aýany kondıtsıonerleý júıesine rezervtik aýa aǵynyn qosty. Kabınanyń qysymyn tómendetý protsesinde ottegi maskalaryn qoldaný qajet bolmady. Ekıpaj jolaýshylarǵa ushaqtyń ushyp shyqqan áýejaıǵa qaıta oralatyndyǵyn habarlady. Qoný qalypty rejımde oryndaldy. Jergilikti ýaqyt boıynsha saǵat 12:15-te jolaýshylar basqa ushaqpen jolǵa shyqty.
Qazaqstan Respýblıkasy Syrtqy ister mınıstrligi Azamattyq avıatsııa komıtetiniń Telegram-kanaly buǵan deıin habarlaǵandaı, «búgin tańǵy saǵat 07.43-te «Eır Astana» áýe kompanııasynyń Nur-Sultan-Almaty baǵytynda ushyp shyqqan A 321 ushaǵy tehnıkalyq sebepterge, ıaǵnı tyǵyzdyqtyń joǵalýyna baılanysty áýejaıǵa qaıta oraldy.
