«Eır Astana» ushaǵy Atyraýdan usha almaı qaldy
ATYRAÝ. QazAqparat - «Eır Astana» áýe kompanııasynyń ushaǵy Atyraýdan Almatyǵa usha almady, dep habarlaıdy «QazAqparat» HAA tilshisi.
«Keshe keshke saǵat 20.35-te «Eır Astana» áýe kompanııasynyń Airbus A320 ushaǵy KS-886 reısimen Atyraýdan Almatyǵa ushýy tıis bolǵan. Alaıda, ushaq qozǵaltqyshynda shyqqan aqaý saldarynan usha almady», - dedi TJD-nyń baspasóz qyzmeti.
Birneshe saǵattan keıin 93 jolaýshy Aqtaýdan ushyp kelgen ushaqpen Almatyǵa jóneltildi. Taǵy 36 jolaýshy «Eır Astananyń» kelesi reısin kútýi týraly sheshim qabyldaǵan.
Qozǵaltqyshtaǵy aqaýdyń neden shyqqany ázirge belgisiz.
