«Eır Astana» Úndistanǵa ushatyn reısterdi toqtatýǵa májbúr
NUR-SULTAN. QazAqparat - «Eır Astana» áýe kompanııasy Nur-Sultan men Almatydan Delıge reısterdi ýaqytsha toqtatady, dep habarlaıdy QazAqparat QR IIDM Azamattyq avıatsııa komıtetine silteme jasap.
«Pákistan men Úndistan arasyndaǵy áýe keńistiginiń jabylýyna baılanysty «Eır Astana» áýe kompanııasy 11 jáne 30 sáýir aralyǵynda Nur-Sultan men Almatydan Delıge ushatyn reısterdi ýaqytsha toqtatýǵa májbúr. QR IIDM Azamattyq avıatsııa komıteti men áýetasymaldaýshy jaǵdaıdy muqııat baqylaýda jáne áýe keńistigi ashylǵanda kompanııa turaqty reısterdi jalǵastyrady», - delingen resmı habarlamada.
2019 jyldyń 11-30 sáýir aralyǵynda Qazaqstanǵa oralatyn jolaýshylarǵa kompanııa bıletteri ınterlaın-seriktester reısterine qaıta brondalady. Nemese bıletterdi satyp alǵan orynda nemese kompanııanyń brondaý jáne aqparat ortalyǵy (sall.centre@airastana.com) nemese +7 (727) 2444477,+7 (717) 2584477 telefondary arqyly qaıtara alady.
Eske sala ketsek, osydan 2 aı buryn Pákistan Respýblıkasy áýe keńistiginiń búkil halyqaralyq áýe baǵyttaryna jabyqtyǵyna baılanysty «Eır Astana» áýe kompanııasynyń Delı - Almaty baǵytyndaǵy 27 aqpanǵa josparlanǵan reısi keıinge qaldyrylǵan bolatyn. QR SІM Úndistan men Pákistan arasyndaǵy áskerı-saıası jaǵdaıdyń shıelenisýine baılanysty málimdeme jasady.
Aıta keteıik, Azamattyq avıatsııa komıteti «Eır Astana» áýe kompanııasymen birge Úndistanǵa áýe qatynasyn toqtatpas úshin barlyq sharalardy qarastyrǵan bolatyn.
