«Eır Astana» Úndistan reısteriniń jolaýshylaryn jetkizýge baryn salmaq
ALMATY. QazAqparat - «Eır Astana» áýe kompanııasy Úndistanǵa shyǵatyn reısterdiń ushpaýyna baılanysty jolaýshylardy elge jetkizý máselesin jan-jaqty sheshýge tyrysyp jatyr, dep habarlaıdy QazAqparat tilshisi.
Osyǵan baılanysty Eır Astananyń koll ortalyǵy 27 aqpanda ushýy tıis bolǵan «Almaty - Delı - Almaty» baǵytyndaǵy KC 963/964 reısi men 28 aqpandaǵy reısiniń, 1 naýryzdaǵy KS907/908 reısteriniń jolaýshylaryn basqa tasymaldaýshylarmen jetkizý joldaryn talqylap jatyr.
«Áýe keńistiginiń jabylýynan soń jolaýshylardan 597 hat tústi. Onyń birazynda jolaýshylar reısterin seriktes kompanııalardyń reısterine aýystyrý týraly ótinish jasaǵan (Kıev, Bangkok, Gongkong, Seýl, Máskeý arqyly), birazy múlde reısti ushyrmaýǵa ótinish bildirgen. Áýe kompanııasy áli de habarlaspaǵan jolaýshylarǵa bıletterdi aýystyrý boıynsha habarlasýlaryn ótinedi», - dedi «Eır Astana» áýe kompanııasynan.
Áýe kompanııasy ushpaı qalǵan reıs jolaýshylary aıyppulsyz bılet aýystyra alatynyn habarlady.
Pákistan áýe keńistiginiń jabylýyna baılanysty Úndistanǵa reısterdiń oryndalmaǵanyn keshe jazǵan bolatynbyz.
Bógelgen reıstiń jolaýshylary Pákistannyń áýe keńistiginen tys Oman koroldiginiń astanasy Mýskat áýejaıy baǵytynda ushyp keldi.
Pákistan áýe keńistiginiń jabylýyna eki el arasyndaǵy qaqtyǵystar sebep boldy. Úndistan bıligi Kashmır terrıtorııasyndaǵy lańkester lagerin bombalaǵan.
Pákistan bıligi tańerteń áýe keńistiginiń qaýipsizdigin buzǵan eki ushaqtyń qulatylǵanyn málimdedi.
