«Eır Astana» Túrkııaǵa saparynan aınyp qalǵan jolaýshylarǵa bıletiniń qunyn qaıtarady
ASTANA. QazAqparat - «Eır Astana» Ystambul qalasynyń Atatúrik áýejaıynda oryn alǵan qaıǵyly jaǵdaıǵa ortaqtasyp, kóńil aıtady.
«Qazirgi ýaqytta Ystambuldaǵy áýejaıy ashyq, tekserý men qaýipsizdik sharalarynyń kóbeıýine qatysty avıakompanııa jolaýshylarǵa reısten úsh saǵat buryn kelýdi suraıdy. Áýe kompanııasy jaǵdaıdy muqııat baqylaýda, birinshi kezekte ekıpaj ben jolaýshylardyń qaýipsizdigi basshylyqqa alynady. Qosymsha aqparat alý úshin «Eır Astananyń» Almatydaǵy: +7 (727) 2 44 44 77 jáne Astanadaǵy: + 7 (717) 258 44 77 aqparat jáne brondaý ortalyǵyna nemese avıakompanııanyń bılet satý keńselerine nemese týragenttikke habarlasýlaryńyzdy ótinemiz», - dep habarlaıdy áýe kompanııasynyń baspasóz qyzmetinen.
«Eır Astana» arqyly Túrkııaǵa/Túrkııadan bılet alǵan jolaýshylar sapardan bas tartqan jaǵdaıda avıakompanııa bılet qunyn esh aıyppulsyz qaıtarady jáne ushý kúnin nemese ushý baǵytyn aıyppulsyz ózgertip beredi (sol nemese basqa baǵyttyń qymbatyraq tarıfine qosymsha tólemmen). Bul málimdeme 2016 jyldyń 15 shildesine deıin Ystambul men Antalııaǵa ushatyn reısterge qatysty.
