«Eır Astana» Parıj baǵytyndaǵy reısterin jalǵastyra beredi
ASTANA. QazAqparat - «Eır Astana» Parıj baǵytyndaǵy reısterin jalǵastyra beredi. Bul týraly QazAqparat tilshisine «Eır Astana» kompanııasynyń bıletterdi brondaý jáne aqparat ortalyǵynan habarlady.
«Eır Astana» óziniń Parıj baǵytyndaǵy reısterin ary qaraı da jalǵastyra beredi. Bıletter satylyp jatyr. Bizge bılet satýdy toqtatý týraly eshqandaı da tapsyrma berilgen joq. Jalpy, bizdiń ushaqtarymyz Parıjge sársenbi, juma jáne senbi kúnderi qatynaıdy», - dedi «Eır Astana» kompanııasynyń bıletterdi brondaý jáne aqparat ortalyǵynan.
Eske sala keteıik, juma kúni keshke Frantsııanyń astanasy Parıjde lańkestik áreketter oryn aldy. Jergilikti prokýratýranyń habarlaýynsha, terrorlyq akt bir ýaqytta alty jerde oryn alǵan. Oqıǵa saldarynan 153 adam qaza taýyp, 200-den asa adam jaraqattanǵan.
