«Eır Astana» Ońtústik-Shyǵys Azııaǵa ushatyn baǵyttaryn keńeıtýde
ASTANA. 4 qańtar. QazAqparat - «Eır Astana» Hoshımınge baratyn jańa reısin ashý arqyly óziniń Ońtústik-Shyǵys Azııaǵa ushatyn baǵyttaryn keńeıtýde, dep habarlady kompanııanyń baspasóz qyzmetinen.
Qıyr Shyǵys injý-marjany atanǵan Hoshımın nemese Saıgon (jergilikti turǵyndardyń kóbi qalany áli de Saıgon dep ataıdy) Vetnamnyń ońtústiginde ornalasqan. Endi sizde osynaý zamanaýı kelbetimen birge kóne mádenıet dástúri jáne kórkemdigimen tań qaldyratyn tamasha qalany tanyp bilý múmkindigi bar.
Almaty men Hoshımın aralyǵyndaǵy reıster 2013 jyldyń 2 qańtarynan bastap aptasyna 2 ret, sársenbi jáne juma kúnderi Boeing 757 áýe kemesimen oryndalady. Almatydan Hoshımınge deıingi bılet quny barlyq salyqtardy qosa alǵanda 88 499 teńgeni quraıdy. Ushaq Hoshımınge Bangkok arqyly 9 saǵat, al keri baǵytta 7 saǵat ushady.
«Eır Astana» Ortalyq Azııadaǵy kóshbasshylyq bedelin nyǵaıta túsýmen qatar, damytýdy da jalǵastyrýda. Áýe kompanııasynyń strategııalyq basymdyqtarynyń biri Azııaǵa ushý geografııasyn keńeıtý. Men Hoshımınniń taǵy bir jańa baǵytymyz bolǵandyǵyna qýanyshtymyn», - dedi «Eır Astana» AQ-nyń prezıdenti Pıter Foster.
