Eır Astana oqý-jattyǵýǵa baılanysty ushý kestesi ózgerýi múmkin ekenin eskertti
ASTANA. QazAqparat - 21 sáýir men 7 mamyr aralyǵynda Astanadan jáne Qaraǵandydan ushatyn reıster áskerı paradqa daıyndyq júrýine baılanysty aerodrom aýdanynda áýe keńistigi jabylýy saldarynan ózgertilýi múmkin. Bul týraly «Eır Astana» AQ korporatıvtik kommýnıkatsııa departamenti habarlady.
Budan buryn habarlanǵandaı, Astanada QR Qarýly Kúshteriniń qurylǵanyna 25 jyldyǵyna arnalǵan aýqymdy sharaǵa daıyndyq ótedi. Sherý quramynyń biri el áýe qorǵanysy kúshiniń áýe tehnıkasyn kórsetý bolyp tabylady. Ózgerister týraly qosymsha aqparatty +7(727) 2 44 44 77 ı +7(717) 2 58 44 77, mob. + 7 702 702 44 77 telefondary arqyly brondaý jáne aqparat ortalyǵynan, sondaı-aq avıakompanııanyń resmı saıtynan alýǵa bolady.
Budan basqa, brondaý kezinde baılanys derekterin qaldyrǵan jolaýshylarǵa SMS-habarlama jiberiledi.
