«Eır Astana» men «Skat» jyl sońyna deıin jańadan 5 halyqaralyq áýe baǵdaryn ashady
Astana - Ulan-Batyr, Astana - Beıjiń, Almaty - Sanııa, Qaraǵandy - Úrimshi jáne Shymkent - Úrimshi jańa halyqaralyq baǵdarlaryn ashýdy josparlap otyr.Bul týraly Kólik jáne kommýnıkatsııalar mınıstrliginiń baspasóz qyzmetinen habarlandy.
Esterińizge sala keteıik, Memleket basshysy kólik vedomstvosyna 7 saǵattyq ushý sheńberinde álemniń iri qalalarymen tikeleı áýe qatynasyn ashýdy tapsyrǵan edi. Bıyl Astana - Tashkent, Astana - Baký, Astana - Sankt-Peterbýrg jáne Almaty - Qazan baǵdarlary ashyldy.
Árbir jańa halyqaralyq baǵdardyń ashylýynyń artynda Qazaqstannyń avıatsııalyq bıliginiń quqyqtyq negiz qalyptastyrý boıynsha atqarǵan qyrýar eńbegi tur. Máselen, aǵymdaǵy jyldyń naýryz aıynda QR Kólik jáne kommýnıkatsııa mınıstrligi Gonkongpen ózara túsinistik týraly memorandýmǵa qol qoıdy. Sonymen qatar, Ýkraına jáne Grýzııamen hattamaǵa, QHR, Úndistan jáne Iordanııamen memorandýmdarǵa qol qoıyldy. Ýkraına, Úndistan jáne Iordanııamen áýe qatynasy týraly kelisimderdiń jańa jobalary daıyndaldy. Pákistanmen jańa reısterdi ashý týraly memorandýmǵa qol qoıý, BAÁ, Ýkraına jáne Lıýksembýrgpen áýe qatynasy týraly kelisimderge qol qoıý josparlanyp otyr.
Jańa halyqaralyq áýe baǵdarlarynyń ashylýy týrızmniń jáne elder arasynda saýda-ekonomıkalyq qatynastardyń damýyna serpin berip, otandyq áýejaılardyń tabysyn ulǵaıtýǵa múmkindik beredi.
