«Eır Astana» qyzmetkerleriniń jartysyn Astanaǵa kóshirdi
ALMATY. QazAqparat - «Eır Astana» áýe kompanııasy tehnıkalyq personaldyń negizgi bóligin Astanaǵa kóshirý týraly sheshim qabyldady, dep habarlaıdy QazAqparat tilshisi.
Bul týraly «Eır Astana» AQ prezıdenti Pıter Foster aıtty.
«Bıyl kompanııanyń tehnıkalyq qyzmetin kóshirý josparlanǵan. Olar Astana halyqaralyq áýejaıynda ornalasatyn bolady», - dedi Pıter Foster baspasóz málıhatynda.
Astanada 2017 jyldyń aıaǵyna deıin jańa áýe tehnıkalyq ortalyq ashylatyn boldy.
Tehnıkalyq bólimniń qyzmetkerleri keler jyldyń basynda kóshedi. Kompanııany tolyq kóshirý kóp shyǵyndy talap etetindikten, ákimshilik quramy Almatyda qalmaq.
