«Eır Astana» qysqy ushý maýsymyna aýysady
ALMATY. QazAqparat - «Eır Astana» ulttyq áýe kompanııasy 29 qazannan bastap ushýlardyń qysqy rejimine kóshpek, dep habarlaıdy QazAqparat tilshisi.
Bul rejim 24 naýryzǵa deıin jalǵasady.
Bıyl «Eır Astana» tómendegi baǵyttar boıynsha jıilikti ulǵaıtty:
Almaty - Bangkok - Almaty ( 5 reısten 7-ge)
Astana - Bangkok - Astana ( 3 reısten 4-ke)
Astana - Dýbaı - Astana (4 reısten 5-ke)
Bıyl jyl ortasynda Astana-Delı-Astana baǵytynda aptasyna úsh - ret tikeleı reıs, Oral-Frankfýrt-Oral baǵytynda apta saıynǵy reıs ashyldy.
Sonymen qatar shildede Astana- Kıev, 2 jeltoqsannan Almaty-Hoshımın-Almaty baǵytyndaǵy turaqty reıs qaıta qosylady.
2017-2018 jylǵy qysqy ushý maýsymynda «Eır Astana» álemniń 21 eline, sonyń ishinde TMD-nyń 6 eline (Reseı, Ázerbaıjan, Tájikstan, Qyrǵyzstan, Ózbekstan, Ýkraına) tasymaldaýdy jalǵastyrady.
Іshki reıster Qazaqstannyń 16 qalasyn qamtıdy.
2017 jyly «Eır Astana» kompanııasynyń tranzıttik jolaýshylary «Lıýftganza» marshrýt jelisin paıdalana alady. Sebebi, 26 naýryzda kompanııamen kod-sherıng kelisimine qol qoıylǵan.
Odan basqa, Air France/KLM, Honkong Airlines, Air India, Asiana Airlines, Bangkok Airways, Etihad Airways, Turkish Airlines komapnııalarymen kod-sherıng kelisimi jumys jasap keledi, sonymen qatar 25 ınterlaın-kelisim jasalǵan.
