Eır Astana kompanııasy Almaty áýejaıyndaǵy reısterdiń bógelýine qatysty túsinikteme berdi
ALMATY. QazAqparat - Eır Astana kompanııasy Almaty áýejaıyndaǵy reısterdiń bógelý sebebin túsindirdi.
Olardyń aıtýynsha, aerodrom jabyq bolǵandyqtan reıster bógelip jatyr .
«2017 jyldyń 29 mamyrynda 20 ishki jáne syrtqy reıs Almaty áýejaıynan ýaqytynda usha almady. Óıtkeni áýejaı jabyq boldy. 29-30 mamyr kúni túngi 1-ge deıin ushý jolaǵynda jóndeý jumystary júrdi. Bul josparlanbaǵan edi. Kestesi buzylǵan reısterdiń jolaýshylary SMS arqyly habarlama aldy. Al áýejaıda 2-4 saǵat kútýge májbúr bolǵan jolaýshylarǵa ystyq tamaq pen sýsyn berildi», - dedi áýe kompanııasynyń baspasóz qyzmetinen.
Aıta ketý kerek, Eır Astana kompanııasy jolaýshylarǵa jolǵa shyqpas buryn +7727 444477 arqyly ushý kestesin bir qarap tekserip alýǵa keńes berdi.
Sońǵy kezderi Almaty áýejaıy tehnıkalyq sebepterge baılanysty 2 ret jabylǵan edi.
