«Eır Astana» qashan jekeshelendiriletindigi belgili boldy
ASTANA. QazAqparat - «Eır Astana» kompanııasy 2019-2020 jyldary halyqtyq ІRO-ǵa shyǵyrylady. Bul jaıynda búgin QR Úkimeti otyrysynan keıingi baspasóz máslıhatynda QR qarjy vıtse-mınıstri Berik Sholpanqulov málim etti, dep habarlaıdy QazAqparat.
«Búgingi kúni termınal qurylysy boıynsha joba júzege asyrylyp, aıaqtalǵany belgili. Árıne, ol onyń (Eır Astana kompanııasynyń ) qunyn arttyra túsedi. Ony sol kezeńde satyp jibergen álde qunynyń artqanyn kútken durys pa edi? Qazirgi ýaqytta dál osyndaı jaıt «Qazatomónerkásip» kompanııasy tóńireginde de bolyp otyr. Eger ony qazir satar bolsaq, naryq konıýnktýrasy tómen bolady. Biraq, bul kásiporyn óndiretin ónimniń baǵasy ósedi dep kútilýde jáne sol kezde kompanııa quny da arta túsedi. Osylardy eskere kele biz baǵasynyń shyrqaý shegine jetkenin kútemiz. Halyqtyq ІRO-da satýdyń boljamdy merzimi 2019-2020 jyldardy qamtıdy», - dedi Sholpanqulov.
Aıta keteıik, búgingi Úkimet otyrysynda memlekettik nysandardy jekeshelendirý jaıynda baıandama jasaǵan QR Ulttyq ekonomıka mınıstri Tımýr Súleımenovtiń aıtýynsha, 2014 jylǵy maýsymnan bastap 2017 jylǵy 23 maýsymǵa deıin 125,5 mlrd. teńgege 451 nysan satyldy.
Sonymen qatar ol ulttyq basqarýshy holdıngter quramyna kiretin memlekettik menshikti jekeshelendirý men aktıvterdi satýdan túsetin boljamdy tabys 4-7 mlrd. AQSh dollaryn quraıdytyndyǵyn aıtqan edi.
