«Eır Astana» ishki reısterge baǵany ósirmeıdi
ASTANA. QazAqparat - «Eır Astana» áýe kompanııasy Qazaqstan ishindegi reısterge baǵany kótermeıdi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda kompanııanyń vıtse-prezıdenti Erbol Ospanov málim etti.
«Іshki áýe qatynastaryna tarıfter joǵarylamaıdy jáne ázirge mundaı jospardy belgilegen joqpyz», - dedi ol.
Budan bólek halyqaralyq reısterge toqtalǵan E. Ospanov, osy turǵyda kompanııa tarıfterge túzetý engizgenin, onyń nátıjesinde baǵa 7-den 10 paıyzǵa deıin óskenin jetkizdi.
Máselen, Astana-Máskeý, Almaty-Máskeý, Astana-Ystambul, Almaty-Ystambul sekildi keıbir baǵyttarda bılet baǵasy ózgermeı, tarıfter burynǵy deńgeıde saqtaldy.
Onyń aıtýynsha, halyqaralyq reısterge baǵanyń artýy naryqtyń teńge baǵamyna baılanysty boldy, ıaǵnı «Eır Astana» kompanııasynyń «Lıýftganza» jáne basqa da áýe kompanııalary sekildi básekelesteri bıletterdi dollarmen belgileıdi.
«Eger osynyń aldynda bılet 1 myń dollar bolǵan kezde, onda qazaqstandyqtar 155 myń teńge tólegen edi, qazirgi kezdegi jańa baǵam boıynsha olar endi 185 myń teńge tóleıtin bolady. Bul avtomatty túrde ózgerdi», - dep túıdi E. Ospanov.
