«Eır Astana» Grýzııa men Reseıge jańa áýe baǵyttaryn ashty
ALMATY. 2 maýsym. QazAqparat /Erbol Azanbek/ - Búgin «Eır Astana» áýe kompanııasy Almaty-Tbılısı, Almaty-Samara baǵytynda jańa reıs ashty. Bul týraly áýe kompanııasynyń baspasóz qyzmeti habarlady.
Jańa baǵyttar jaqynda alynǵan Embraer 190 ushaqtarymen dúısenbi, beısenbi, senbi kúnderi júzege asyrylady. Bul ushaqtar bıznes jáne ekonom klasty, 97 adamǵa laıyqtalǵan. Bul ushaqtarmen Almatydan Tbılısıge deıin ushý merizimi 4 saǵat, Samaraǵa deıin 3 saǵatty quraıdy.
«Eır Astana» áýe baǵyttaryn kóbeıtý týraly strategııasyna sáıkes buǵan deıin Almaty-Baký, Almaty-Bishkek, Almaty-Tashkent, Almaty - Sankt Peterbýrg, Almaty-Úrimji baǵyttaryn ashqan bolatyn. Jalpy sońǵy 7 aıda jeti áýe baǵyty qoldanysqa berilgen.
