«Eır Astana» Dýbaıdan keletin reıstiń keshigý sebebin túsindirdi
ALMATY. QazAqparat - «Eır Astananyń» 20 qazan saǵat 21:00-ge josparlanǵan Dýbaı-Astana baǵytyndaǵy reısi ýaqytynda ushqan joq, dep habarlaıdy «QazAqparat» HAA tilshisi.
Áýe kompanııasynyń málimetinshe, ushyrylymnyń keshiktirilýine tehnıkalyq aqaýlar sebep bolǵan.
«Eır Astananyń» Dýbaı ýaqyty boıynsha 20 qazan saǵat 21:00-ge josparlanǵan Dýbaı-Astana baǵytyndaǵy KS 208 reısi tehnıkalyq sebepterge baılanysty keshiktirildi. Reıske tirkelgen 117 jolaýshy qonaq úılerge ornalastyryldy. Búgin Almatydan ushqan tańerteńgilik reıspen ınjenerimiz qosalqy bólshekti alyp Dýbaıǵa attandy. Endigi KS 208 reısiniń ushyrylý ýaqyty Dýbaı ýaqytymen 21 qazan saǵat 13:00-de», - dep habarlady «Eır Astana» AQ-ynyń korporatıvtik kommýnıkatsııalar jónindegi departamenti.
Áýe kompanııasy keleńsiz jaǵdaıǵa baılanysty ótemaqy tóleýge ýáde etti. Ótemaqy boıynsha suraqtardy customer.relations@airastana.com . saıtyna hat arqyly joldaýǵa bolady.
